Llanelli Labour Party

by Nia Griffith MP

Fe fydd Nia Griffith AS yn cynnal syrjeri ymgynghori yn Neuadd Cymunedol Pum Heol ar y 10fed o Orffenaf rhwng 4:30 a 5:30yh. Croeso i bawb.

Mewn ymateb i bryderon y trigolion lleol ynglŷn â’r cais hwn ’rwy’n  aros i’r datblygwyr gyflwyno eu cynlluniau. Cyn gynted â fydd hwn yn digwydd, byddaf yn trefnu cyfarfod cyhoeddus ac yn gwahodd pobl leol i’w fynychu.  Mae swyddog cynllunio wedi cytuno i fod yn bresennol a  byddaf yn mynnu bod y cynlluniau ar gael ar gyfer sylw craff y cyhoedd. Bydd gan  bawb gyfle i leisio barn. Byddaf yn eiddgar i wrando ar eich barn.

Mewn ymateb i bryderon preswylwyr ynglŷn â beth digwyddodd i’r £30,000 a dalwyd gan ddatblygwr y tai newydd ar gyfer gwella’r parc, rwyf wedi pwyso ar Gyngor y Sir i roi’r arian i’r Cyngor Gwledig ac yn nawr mae'r Cyngor Gwledig wedi paratoi cynlluniau i wella’r parc. Wel, mae'n dda gennyf ddweud bod y gwaith wedi dechrau a chyn bo hir bydd gan blant Ponthenri ddeunydd chwarae newydd a pharc wedi ei gymoni lle gallent chwarae.

Ers pryd i fi gael fy hysbysu, wrth gerdded trwy Ponthenri, bod y Swyddfa Bost leol ar fin cau, mae wedi bod yn fraint i arwain yr ymgyrch i gadw gwasanaethau’r swyddfa bost yn y gymuned. Trefnais ddeiseb a ddenodd gefnogaeth leol sylweddol a chynnal cyfarfod cyhoeddus. Fel canlyniad i’r holl  bwysau hyn, hysbysebodd Swyddfa Bost Cyf – yn aflwyddiannus ysywaeth – am rywun i gymryd drosodd y Swyddfa Bost.

“Felly, croeso amodol sydd gennyf i’r newyddion y bydd gwasanaethau’r swyddfa’r bost ar gael unwaith eto i drigolion Ponthenri. Yr hyn fydd gennym ym Mis Medi yw gwasanaethau’r swyddfa bost am naw awr yr wythnos. Bydd ar gael yn neuadd y pentref ac y bydd tan oruchwyliaeth Rod Lowe sy’n gyfrifol am Swyddfa Bost Cydweli. Nid yw’n ddelfrydol. Serch hynny, mae gennym rywbeth ac mae hwnnw er diolch i’n hymgyrch dygn ni i ddwyn perswâd ar Swyddfa Bost Cyf i wneud popeth posib er mwyn cynnig gwasanaethau’r Swyddfa Bost ym Monthenri.”

Cyfarfod cyhoeddus ynghylch cais cynllunio S/18128 i gael gweithio glo brig ym Mhentremawr rhwng Pontyberem a Phonthenri.

Bu rhaid gohirio’r cyfarfod yr oeddwn i wedi ei drefnu gyda’r datblygwyr ar Chwefror 21ain, am nad yw eu cais newydd nhw wedi cael ei roi i’r cyngor. Rwy’n gwybod bod llawer o breswylwyr yn pryderu ynglŷn â gwaith glo brig ac rwyf am  sicrhau ein bod ni’n cael cyfarfod cyhoeddus gyda’r datblygwyr cyn i unrhyw gais ddod o flaen y pwyllgor cynllunio.

Rwy’n disgwyl ac yn gofyn am eglurder llawn gan y datblygwyr ynglŷn â chais i gael gweithio glo brig ym Mhentremawr.